राजगाटाचक: निसर्गाच्या कुशीत वसलेले एक स्वयंपूर्ण गाव गडचिरोली शहरापासून पूर्वेस अवघ्या १० कि.मी. अंतरावर वसलेले 'राजगाटाचक' हे एक अत्यंत स्वच्छ, सुंदर आणि हरित गाव आहे. निसर्गाची मुक्त उधळण लाभलेले हे गाव आपल्या शांत आणि प्रसन्न वातावरणासाठी ओळखले जाते. ग्रामस्थांच्या सहकार्यातून गावाने स्वच्छतेचा आदर्श निर्माण केला आहे.

वनसंपदा आणि पर्यावरण: गावाच्या उत्तरेस अवघ्या १ कि.मी. अंतरावर विस्तीर्ण असे झुडपी जंगल पसरलेले आहे. हे जंगल गावाच्या सौंदर्यात भर तर घालतेच, पण ते अनेक वन्यजीवांचे आश्रयस्थान देखील आहे. या जंगलात विविध प्रकारचे वृक्ष, औषधी वनस्पती आणि वन्य प्राणी आढळून येतात.

ग्रामपंचायत राजगाटाचक ही ISO मानांकित ग्रामपंचायत असून येथे पारदर्शक प्रशासन राबवले जाते.

• डिजिटल सेवा: 2020 पासून ग्रामपंचायत 'पेपरलेस' झाली असून QR कोडद्वारे कर भरणा सुविधा उपलब्ध आहे.
• लोकसेवा हक्क: नागरिकांना ७ दिवसांच्या आत विविध दाखले दिले जातात.
• पुरस्कार: अमृत महा आवास, स्मार्टग्राम आणि स्वच्छता अभियानात विविध स्तरांवर पुरस्कार प्राप्त.
• पाणी पुरवठा: 'हर घर जल' अंतर्गत १००% नळ जोडणी पूर्ण.